ជីវិត

ជីវិតមានតិចកុំ បីធ្វើបាបថ្នាក់ថ្នមសុខភាពសម្រាប់សាងល្អ រក្សារធម៍ស្អាត់សង្វាតធម៍សរ អោយដូចជាស្ករ រក្សារស់ផ្អែម។

បុគ្គលប្រដៅគេយ៉ាងណាគប្បីល្អយ៉ាងនោះដែរ

បុគ្គលបរាជ័យឃើងឧកាសជាបញ្ហា បុគ្គលអស្ចារឃើងបញ្ហាជាឧកាស

ពិធីសម្ភោធសាលាពុទ្ធិកបឋមសិក្សាវត្តឫស្សីជ្រោយនឹងសមិទ្ធផលនានាព្រមទាំងស្រោចសុគន្ធវារីប្រគេនព្រះតេជៈគុណកុលានុរក្ខិតោ កុច សារ៉ាត់ ចៅអធិកាវត្តឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល

កុំរស់ក្នុងអតីតកាល ជីវិត្តដើរទៅមុខជានិច្ច

ប្ដីប្រពន្ធដែរប្រាថ្នាជួបគ្នា

ត្រូវមានហេតុ ធ្វើសាងកម្ម(កុសលនិងអកុលស)ដូចគ្នាជាដើម។.

ពិធីស្រោចសុគន្ធវារីប្រគេនព្រះតេជៈគុណកុលានុរក្ខិតោ កុច សារ៉ាត់

ចៅអធិកាវត្តឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល

Visitor

អង្គការពលរដ្ឋដើម្បីការអប់រំ ព្រះអាទិត្យថ្មីរះលើដែនដីចាស់៖ សង្ខេបរឿង៖ សម ជាយុវកសិករកំព្រាឪពុកម្តាយតាំងពីតូច មានប្រពន្ធម្នាក់ឈ្មោះនាងសយ កំព្រាឪពុកម្តាយដូចគ្នា។ ដោយភាពក្រីក្រគេទាំងពីរបានចាកចេញពីស្រុកកំណើតទៅប្រកបរបរធាក់ស៊ីក្លូនៅភ្នំពេញ។ សមធាក់ស៊ីក្លូបញ្រ្ចាសទិសត្រូវប៉ូលីសផាក។ រកប្រាក់បង់ពិន័យពុំបានអ្នកស្រីគឹមលៀងបានស្តីបន្ទោសរួចដកហូតស៊ីក្លូលែងឲ្យធាក់ ចំណែកតាសានវិញក៏បណ្តេញសម និងសយចេញពីខ្ទមដែរ ព្រោះអ្នកទាំងពីរគ្មានលុយបង់ឈ្នួលផ្ទះ។ មុននឹងចាកចេញពីខ្ទមដ៏កំសត់នេះ សៅដែលជាមេក្រុមចោរលួចឆក់បានបបួលសមឲ្យចូលដៃធ្វើជាសកម្មភាពជាមួយខ្លួន តែសមមិនព្រម ហើយប្រកាន់នូវភាពយុត្តិធម៌ជានិច្ច។ សម និងប្រពន្ធបានចូលទៅរស់នៅតាមសំយ៉ាបព្រះវិហារលោកសង្ឃយួននៅវត្តតួប្រស្រី។ ពេលនោះនាងសយត្រូវបានយាយចាស់ម្នាក់នាំឲ្យទៅនៅបម្រើផ្ទះថៅកែហុក ដោយមានការយល់ព្រមពីសមជាប្តីផងដែរ។ យប់មួយដោយមានភ្លៀងធ្លាក់យ៉ាងខ្លាំង វេលាម៉ោង២១ថៅកែហុកបានចូលទៅចាប់រំលោភនាងសយដោយកម្លាំងកាមារម្មណ៍យ៉ាងព្រៃផ្សៃបំផុត។ ដោយមានការឈឺចាប់ជាខ្លាំងព្រឹកឡើងនាងក៏ចាកចេញពីផ្ទះថៅកែហុក ដើម្បីទៅរកមិត្តកម្មករត្រីចក្រយានរបស់ប្តីនាង គឺនាយម៉ី និងនាងមុំ ក៏បានជួបប្រពន្ធហើយដឹងថាថៅកែហុកធ្វើអំពើមិនគប្បីមកលើប្រពន្ធ ទោះបីប្រពន្ធ និងមិត្តភក្តិឃាត់ឃាំងយ៉ាងណាក៏ដោយ ក៏សមនៅតែមានបំណងសម្លាប់ថៅកែហុកចោល។ យប់មួយសមបានចូលទៅសំឡុតថៅកែហុកតាមកំហឹងរបស់ខ្លួន។ តែដោយចាញ់កលថៅកែហុក សមក៏ត្រូវចាប់បញ្ចូលគុកធំ ក្រោយមកត្រូវតុលាការកាត់ទោសដាក់គុកចំនួន៣ខែ។ បន្ទាប់ពីសមត្រូវជាប់គុក នាងសយ និងនាងមុំបាននាំគ្នាទៅសួរសុខទុក្ខសមនៅឯគុកធំនៅថ្ងៃអាទិត្យដោយភាពខ្សឹកខ្សួល។ ពេលនៅក្នុងគុកសមត្រូវបក្សពួកជាប់គុកមុនៗមានឈ្មោះ ហួរ សួស និងពួកអនុរក្សនាំគ្នាវាយធ្វើបាបដោយគ្មានការពិចារណាឡើយ។ ក្រោយពីការណែនាំអប់រំពីភូឈួយគុក សមនិងនាងសយក៏ត្រូវម៉ីជូនទៅផ្ទះនៅជិតវត្តមហាមន្ត្រី ដោយត្រីចក្រយាន។ ថ្ងៃបន្ទាប់មកក៏បានទទួលស៊ីក្លូពីសេដ្ឋីនីចិត្តល្អមេម៉ាយម្នាក់ឈ្មោះយាយកាន។ ពេលសមទៅរកប្រាក់ត្រូវឡានបុកសន្លប់បាត់ស្មារតី ត្រូវដឹកទៅមន្ទីរពេទ្យព្រះកេតុមាលា។ រួចពីគ្រោះថ្នាក់ សមក៏បានចូលទៅធ្វើការនៅរោងឧស្សាហកម្មសាប៊ូ។ ដោយសារការព្យាយាម ពេលកាប៉ូរ៉ាល់លាឈប់ថៅកែក៏តែងតាំងសមជំនួសព្រមទាំងអនុញ្ញាតឲ្យសម និងប្រពន្ធមកស្នាក់នៅក្នុងបន្ទប់នៃរោងចក្រឧស្សាហកម្មនេះផង។ សេងអាន ជាកូនចៅរបស់ថៅកែសេងលីត្រូវទៅមើលការនៅហុងកុង ថៅកែសេងលីក៏បានតែងតាំងក្មួយលោកឈ្មោះសេងហុងឲ្យមើលការជំនួស។ ពេលនោះសមត្រូវបាន សេង ហុង បណ្តេញចេញលែងឲ្យធ្វើការ ព្រោះសមមិនធ្វើតាមបញ្ជារបស់សេងហុង។ សមទៅធ្វើការកន្លែងណាក៏ដូចជាកន្លែងណាត្រូវបានឋានៈជាកាប៉ូរ៉ាល់ ប៉ុន្តែមិនបានស្ថិតស្ថេរទេត្រូវម្ចាស់កន្លែងបណ្តេញចេញរហូត។ ដោយមានកម្មករស្គាល់ច្រើន សមក៏បានបង្កើតសមាគមកម្មករមួយតែក្រោយមកក៏ត្រូវអ្នកនយោបាយបោកប្រាស់ធ្វើជាឈ្នាន់ក្នុងការបោះឆ្នោតជ្រើសរើសតំណាងរាស្រ្ត។ សមាជិកតំណាងរាស្ត្រថ្មីបន្ទាប់ពីបានជាប់ឆ្នោត ហើយក៏ក្រឡាស់ធ្វើជាលែងទទួលស្គាល់អ្នកដែលធ្លាប់ជួយខ្លួន។ សមដឹងខ្លួនហើយពោលថា៖ តទៅមុខ លែងបណ្តោយឲ្យពួកអ្នកនយោបាយបោកប្រាស់ទៀតហើយ។ សមនឹកមមៃថា៖ ឱហ្ន! អ្នកនយោបាយវាក្លាយទៅជាអ្នកនយោបោកទេតើហ្ន៎!។ នាងសយមានគភ៌គ្មានលុយទិញថ្នាំសង្កូវផឹក។ ដល់គ្រប់ខែត្រូវឆ្លងទន្លេសមទៅពឹងគ្រូពេទ្យនរាឲ្យជួយ តែគេមិនបានសម្រេចនាងសយក៏ស្លាប់ក្នុងពេលសម្រាលទៅ។ បន្ទាប់ពីប្រពន្ធស្លាប់ទៅសមក៏ប្រកបមុខរបរធាក់ស៊ីក្លូទៀតតែមិនសមប្រកប។ សមបានទៅពឹងពាក់លោកយ៉េងជាតំណាងរាស្រ្តដែលសមធ្លាប់ជួយក្នុងពេលបោះឆ្នោត តែអកុសលលោកយ៉េងបែរជាធ្វើមិនស្គាល់សមទៅវិញ។ បន្ទាប់មកសមក៏ក្លាយជាមនុស្សអនាថា គ្មានទីជម្រកគ្មានអ្វីសម្គាល់ខ្លួនត្រូវប៉ូលីសចាប់ឃុំខ្លួនអស់ពីរបីថ្ងៃទើបដោះលែងវិញ។ ដោយខ្លួនគ្មានទីពឹង ហើយការស្រេកឃ្លានធ្វើទុក្ខខ្លាំងពេកសមក៏ដាច់ចិត្តទៅប្រកបរបរចោរឆក់។ បន្ទាប់ពីការបំភ្លឺរបស់ម៉ី សមក៏យល់ព្រមយករបស់របរដែលនៅសេសសល់ទៅប្រគល់ឲ្យម្ចាស់ដើមវិញ។ តែលោកឧកញ៉ាសំបូរសម្បត្តិមិនព្រមក៏ចាប់បញ្ជូនទៅឲ្យភ្នាក់ងារប៉ូលីសក៏ចាប់ឃុំឃាំងក្នុងគុក៦ខែ។ សមដើរឆ្លងផ្លូវត្រូវឡានរបស់លោករដ្ឋមន្ត្រីវ័យក្មេងបុក។ លោករដ្ឋមន្ត្រីក៏នាំសមទៅមន្ទីរពេទ្យ ហើយជួយឲ្យសោហ៊ុយចំនួន៥០០រៀល ព្រមទាំងបានផ្តាំឲ្យសមទៅរកគាត់កុំបីខាន។ តែសមបែរជាប្រកែកមិនយកលុយហើយឲ្យលោករដ្ឋមន្ត្រីជួយរកការងារធ្វើ។ លោករដ្ឋមន្ត្រីបានឲ្យសមទៅនៅថែផ្ទះលោកសមក៏បានសុខកាយសប្បាយចិត្តចាប់ពីពេលនោះមក។ ក្រោយពេលដែលស្រុកទេសទទួលបានឯករាជ្យ សន្តិភាពពេញបរិបូរក្រោមព្រះរាជបូជនីយកិច្ចរបស់អង្គសម្តេចឪ សមក៏បានវិលទៅប្រកបការងារជាកសិករនៅស្រុកកំណើតវិញដោយរីករាយ ព្រោះរដ្ឋាភិបាលសង្គមរាស្រ្តនិយមបានបំពេញបំណងរាស្រ្ត។ ក្រោមព្រះរាជបូជនិយកិច្ចដឹកនាំរបស់អង្គសម្តេចឪ ទីក្រុងភ្នំពេញបានរីកចម្រើនលើគ្រប់ផ្នែក គ្រប់វិស័យ។ ព្រះអង្គបានរៀបចំឲ្យមានសមាជជាតិ គឺនៅពេលនោះមានសមាជជាតិលើកទី៩។

Saturday, April 29, 2017

[បុណ្យវិសាខបូជា / visakbochear visak bochea]

April 29, 2017 ទាក់ទងនឹងវត្តឫស្សីជ្រោយ, យល់ដឹង, វិដេអូ, អប់រំ No comments

វត្តឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល

ជីវប្រវត្តិ សុង សេងហ៊នអ្នកស្រីសុង សេងហ៊ន

April 20, 2017 ប្រវត្តអ្នកចម្រៀង, យល់ដឹង, រូបភាព, អប់រំ No comments

សុង សេងហ៊នអ្នកស្រីសុង សេងហ៊ន

ឈ្មោះពេញ	សុង សេងហ៊ន
ទីកន្លែងកំណើត	ក្រុងភ្នំពេញ
បងប្អូនបង្កើត	៤ នាក់ (ស្រី ២នាក់ ប្រុស ២នាក់)
ការសិក្សា	សាលាបឋមសិក្សាពៅ អ៊ុំ, វិទ្យាល័យព្រះស៊ីសុវត្ថិ
ការងារ	តារាចម្រៀង

មាតិកា

[លាក់]

ជីវប្រវត្តិសង្ខេប[កែប្រែ]

អ្នកស្រីសុង សេងហ៊ន ជាតារាចម្រៀងដ៏មានកេរ្តិ៍ឈ្មោះបោះសម្លេងល្បីល្បាញទូទាំងប្រទេសកម្ពុជាកាលពីអំឡុងទសវត្សរ៍ទី៩០។ អ្នកស្រីមានស្រុកកំណើតនៅក្រុងភ្នំពេញ។ អ្នកស្រី ជាកូនទី២ ក្នុងចំណោមបងប្អូនបង្កើតទាំងអស់៤នាក់ (ស្រី ២នាក់ ប្រុស២នាក់) ។ ចំពោះប្រវត្តិការសិក្សា អ្នកស្រីសុង សេងហ៊ន ធ្លាប់បានសិក្សានៅសាសាបឋម សិក្សាពៅ អ៊ុំ (បច្ចុប្បន្នក្លាយជាសាលាបឋមសិក្សាទួលគោក) ហើយក្រោយមកអ្នកស្រីបានបន្តការសិក្សានៅវិទ្យាល័យព្រះស៊ីសុវត្ថិ។ លុះមកដល់របបខ្មែរក្រហម អ្នកស្រីត្រូវបានគេជម្លៀសទៅកាន់ស្រុកភ្នំស្រុក ខេត្តបាត់ដំបង (សព្វថ្ងៃខេត្តបន្ទាយមានជ័យ)។ នៅឆ្នាំ១៩៧៩ ក្រោយរបបខ្មែរក្រហមបានដួលរលំ ក្រុមគ្រួសារអ្នកស្រីសុង សេងហ៊នបានភៀសខ្លួនទៅរស់នៅសហរដ្ឋអាមេរិក ហើយបានបង្កើតបណ្ណាល័យមួយឈ្មោះថាសាយណ្ហណារ៉ា ដើម្បីប្រកបអាជីវកម្មថតកាស្សែតនិងថាសចម្រៀង។ សព្វថ្ងៃអ្នកស្រីសុង សេងហ៊ន កំពុងរស់នៅរដ្ឋផេនស៊ីលវ៉ានីញ៉ា ភាគឦសានសហរដ្ឋអាមេរិក ជាមួយក្រុមគ្រួសារ។

ឯកសារ:Song Senghorn 1.jpg

ឯកសារ:Song senghorn 2.jpg

ជីវិតសិល្បៈ និង ស្នាដៃ[កែប្រែ]

អ្នកស្រីបានចាប់អាជីពជាតារាចម្រៀងឱ្យបណ្ណាល័យសាយណ្ហណារ៉ា នៅឆ្នាំ១៩៨២។ បទចម្រៀងរបស់អ្នកស្រីទាំងអស់ សុទ្ធតែថតឱ្យបណ្ណាល័យសាយណ្ហណារ៉ា ពោលគឺអ្នកស្រីពុំដែលធ្លាប់បានថតឱ្យផលិតកម្មណាផ្សេងឡើយ សូម្បីតែច្រៀងតាមវេទិកាប្រគំតន្រ្តីនានាឬ ចូលរួមច្រៀងជាកិត្តិយសក្នុងកម្មវិធីណាមួយក៏មិនដែលផង។ បទចម្រៀងរបស់អ្នកស្រីមានលក្ខណៈពិសេសត្រង់ថាបទភាគច្រើនគឺអ្នកស្រីជាអ្នកនិពន្ធដោយខ្លួនឯងផ្ទាល់តែម្ដង។ ក្នុងអំឡុងទ.វទី៩០ បទចម្រៀងរបស់អ្នកស្រីសុង សេងហ៊ន បានទទួលការពេញនិយមគាំទ្រយ៉ាងខ្លាំងពីសំណាក់ប្រិយមិត្តអ្នកស្ដាប់ចម្រៀងខ្មែរគ្រប់មជ្ឈដ្ឋានទូទាំងប្រទេស។ ជាញឹកញាប់ នៅក្នុងកម្មវិធីសំណូមពរបទចម្រៀងនាសម័យនោះ គេតែងឮប្រិយមិត្តអ្នកស្ដាប់សំណូមពរឱ្យចាក់បទចម្រៀងរបស់អ្នកចម្រៀងរូបនេះទាំងនៅស្ថានីយ៍វិទ្យុនៅក្នុងប្រទេសកម្ពុជាទាំងនៅវិទ្យុសម្លេងសហរដ្ឋអាមេរិក ព្រោះគេយល់ថាទឹកដមសម្លេងអ្នកស្រីពិរោះលន្លង់លន្លោចស្រាលស្រទន់សក្តិសមទាំងបទមនោសញ្ចេតនាទាំងបទញាក់កន្រ្តាក់អារម្មណ៍។ តារាចម្រៀងល្បីៗជំនាន់ស្របាលអ្នកស្រីមានដូចជាគឺលោកកែវ សារ៉ាត់ លោកឈួយ សុភាព លោកទឹង ភិរម្យ អ្នកស្រីឡុង ស៊ីដា អ្នកស្រីដួង ម៉ាឡៃ ជាដើម។ បទចម្រៀងល្បីៗរបស់អ្នកស្រីសុង សេងហ៊នរួមមាន៖

បទមនោសញ្ចេតនា[កែប្រែ]

បទទឹកភ្នែកសម្ងាត់ (ខ្នើយប៉ាក់)
បទវីយូឡុងស្នេហា
បទខ្ញុំបានរូបថតគេបានបង
បទដល់វេលាត្រូវសារភាព
បទសុំបេះដូងមួយចំណែក
បទយកចិញ្ចៀនពេជ្រទៅវិញចុះ
បទស្នេហ៍វ័យកុមារ
បទឆ្នាំមុន
បទនរណាធ្វើឱ្យអូនយំ
បទច័ន្ទរះក្នុងចិត្តក្រមុំ
បទអប្សរាសក់ខ្មៅ
បទដប់ឆ្នាំចាំស្នេហ៍
បទទន្លេផ្ញើទុក្ខ
បទនិស្ស័យតារា
បទសុបិន្តតែបង
បទស្នេហ៍ឬមិត្ត
បទថ្ងៃនេះបងក្បត់
បទឈឺចិត្ត
បទផ្កាក្នុងរបង
បទស្នេហ៍យាយតា
បទបណ្ដាំឦសាន
បទGood Bye My Love
បទផ្ពាល់សំណល់ (បទដើមអ្នកស្រីម៉ៅ សារ៉េត)
បទរៃលាបង្គង (បទដើមអ្នកស្រ ឈួន ម៉ាឡៃ)

បទញាក់[កែប្រែ]

បទអញ្ជើញចូលចុះបើស្រឡាញ់
បទក្រមុំខ្ញុំអ្នកណាសង
បទវិលវិញហើយស្នេហ៍ស្នង
បទវ៉ែនតាខ្មៅអាវស្បែក
បទបោកកូនជ្រូកទៅលេងស្រុក
បទចង់តែស្លាប់
បទឌិបឌិបអ៊ូយ
បទចាប់ក្ដាម
បទចេះតែស្រៈអួយ
បទចាក់ចូចបានបុណ្យ
បទកណ្ដឹងស្នេហ៍
បទកុំបោះបង់ផ្កា
បទឃើញហើយក៏ហួសចិត្ត
បទឡាំភ្លើនបាំងកាឡូ
បទផ្កាកុលាបស
បទពើតឱរ៉ា
បទជឿមិនបាន

ដោយ៖https://km.wikipedia.org

Khmer Traditional Games For Khmer New Year

April 07, 2017 យល់ដឹង, វិដេអូ, អប់រំ No comments

Khmer Traditional Games For Khmer New Year

ល្បែងប្រជាប្រិយខ្មែរ។

ល្បែងប្រជាប្រិយខ្មែរមានការធ្លាក់ចុះ

ល្បែងប្រជាប្រិយខ្មែរមានការធ្លាក់ចុះ ...

ដោយ ៖ ស្រីណា

ថ្ងៃអង្គារ ទី៩ ខែមេសា ឆ្នាំ២០១៣ ម៉ោង ១៤:១៥ (09-04-2013 14:15)

ល្បែងប្រជាប្រិយខ្មែរមានប្រវត្តិផ្សារភ្ជាប់ជាមួយប្រពៃណីវប្បធម៌ ក៏ដូចជាជីវភាពរស់នៅរបស់ប្រជាជនខ្មែរជាយូរលង់ណាស់ មក ហើយ ហើយបើតាមការបញ្ជាក់ពីអ្នកប្រវត្តិសាស្រ្ត និងសាស្រ្តាចារ្យខាងវប្បធម៌បានបង្ហាញថា ល្បែងប្រជាប្រិយខ្មែរ ដូចជា បោះ អង្គញ់ លាក់កន្សែង ស្តេចចង់ ទាញព្រ័ត្រ ក្រុងមេមាន់ វាយក្អម ចោលឈូង ឆ្មាចាប់កណ្តុរ ដណ្តើមស្លឹកឈើ ពង្រត់កូនក្រមុំ ចាប់កូនខ្លែង ។ល។ បានដើរតួនាទីយ៉ាងសំខាន់ក្នុងការផ្សារភ្ជាប់ទំនាក់ទំនងសង្គម មិត្តភាព និងសេ្នហា ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ប៉ុន្តែនៅក្នុងរយៈពេលប៉ុន្មានឆ្នាំចុងក្រោយនេះ ល្បែងប្រជាប្រិយខ្មែរ ត្រូវបានគេមើលឃើញថា បានធ្លាក់ចុះ មិន សំបូរអ្នកលេងទំាងនៅមុន និងអំឡុងពេលចូលឆ្នាំខ្មែរប្រពៃណីជាតិ ។

ចំណុចដែលគួរឲ្យកត់សំគាល់នោះ គឺយុវវ័យកម្ពុជាសម័យទំនើបនេះមួយចំនួនធំ មិនបានដឹងច្បាស់អំពីប្រវត្តិនៃការកកើតឡើងល្បែងប្រជាប្រិយខ្មែរទាំងអស់នេះ និងថែមទាំងមិនបានដឹងអំពីរបៀបលេងទៀតផង ហើយយុវវ័យខ្លះមិនទំាងដឹងថា តើល្បែងប្រជាប្រិយខ្មែរមានអ្វីខ្លះ និងគេលេងក្នុងគោលបំណងអ្វីឡើយ ។... សម័យនេះ យុវវ័យភាគច្រើន ស្បៃរាត្រីគ្របដណ្តប់មិនទាន់ បបួលគ្នាទៅរកកន្លែងផឹកស៊ី ច្រៀងខារ៉ាអូខេ ចូលបារ-រង្គសាល មិននឹកនាដល់ល្បែងប្រជាប្រិយនោះទេ ។

ទាក់ទិនទៅនឹងអត្ថប្រយោជន៍នៃការលេងល្បែងប្រជាប្រិយខ្មែរនេះយុវតីមួយរូបស្ថិតក្នុងសំលៀកបំពាក់ជាឯកសណ្ឋាន និសិត្ស នៅសាកលវិទ្យល័យជាតិគ្រប់គ្រង់ផ្នែកធនាគារ កញ្ញាលីដា ក៏បានចូលរួមមតិយ៉ាងខ្លីថាល្បែងប្រជាប្រិយខ្មែរ ជាល្បែងមួយដែល បង្កនូវភាពសប្បាយរីករាយ និងភាពស្និទ្ធស្នាលរវាងគ្នានិងគ្នា ហើយលើសពីនេះ វាជាវប្បធម៌ប្រពៃណីរបស់ជាតិនោះថែមទៀត ដែលជាកូនខ្មែរយើងគ្រប់រូប ត្រូវតែស្គាល់និងចូលរួមលេងក្នុងពិធីបុណ្យចូលឆ្នាំខ្មែរខាងមុខនេះ ។

មន្រ្តីក្រសួងវប្បធម៌និងវិចិត្រសិល្បៈមួយរូបដែលនិយាយក្នុងលក្ខខណ្ឌសុំមិនបញ្ចេញឈ្មោះបានឲ្យមហាគ្រួសារដឹងថា ល្បែង ប្រជាប្រិយដូចជាបោះអង្គញ់ ចោលឈូង លាក់កន្សែង ស្តេចចង់ ចាប់កូនខ្លែង ដណ្តើមស្លឹកឈើជាដើម គឺមាននៅក្នុងសង្គមខ្មែរយើងតំាងពីបុរាណកាលមក ហើយថាល្បែងនេះគេនិយមតែក្នុងពិធីបុណ្យចូលឆ្នាំ ឬមុនចូលឆ្នាំតែប៉ុណ្ណោះ ។ មន្រ្តីដដែលបន្តថា ល្បែងនេះពីសម័យមុនៗប្រជាពលរដ្ឋចាស់ក្មេងគេលេងនៅតាមផ្ទះ ឬតាមវត្តអារ៉ាមនានា ប៉ុន្តែលោកកត់សម្គាល់ឃើញថា នាពេល បច្ចុប្បន្នល្បែងប្រជាប្រិយទំាងនោះហាក់មានការធ្លាក់ចុះ ដោយពុំសូវឃើញមានយុវជនយុវនារី ឬប្រជាពលរដ្ឋចូលរួមលេងនោះ ទេ៕

ជីវិត្តត្រូវការបញ្ញា

April 05, 2017 ទាក់ទងនឹងវត្តឫស្សីជ្រោយ, ធម៍ខ្លីៗ, យល់ដឹង, វិដេអូ, អប់រំ No comments

ពិធីសម្ភោធសាលាពុទ្ធិកបឋមសិក្សាវត្តឫស្សីជ្រោយនឹងសមិទ្ធផលនានាព្រមទាំងស្រោចសុគន្ធវារីប្រគេនព្រះតេជៈគុណកុលានុរក្ខិតោ កុច សារ៉ាត់
ចៅអធិកាវត្តឫស្សីជ្រោយ ឃុំស្វាយប្រទាល ស្រុកស្អាង ខេត្តកណ្ដាល
ថ្ងៃអាទិត្យ ៧ រោច ខែផល្គុន ឆ្នាំវក

១០ចំណុចរបស់ព្រះពុទ្ធទូន្មានអ្នកនយោបាយឲ្យប្រកាន់ខ្ជាប់

April 04, 2017 យល់ដឹង, រូបភាព, អប់រំ No comments

ព្រះពុទ្ធដីការ របស់ព្រះពុទ្ធចំពោះមេដឹកនាំ ៖

១) ចេះចែករំលែក
២) មានក្រមសីលធម៌ខ្ពស់ ដើម្បីជាគំរូដល់មនុស្សទូទាំងប្រទេស
៣) បូជាសេចក្តីស្រណុកស្រួលរបស់ខ្លួនជូនជាតិ និងប្រជាជន
៤) ស្មោះត្រង់ចំពោះជាតិ និងប្រជារាស្ត្រ
៥) ចរិយាមាយាទស្លូតបូត មិនអាងឋានៈបុណ្យសក្តិអំណាចឬទ្រព្យសម្បត្តិ ដើម្បីជិះជាន់អ្នកដទៃនោះទេ
៦) ការរស់នៅក្នុងជីវិតសាមញ្ញមិនកាន់ឬកខ្ពស់ ដោយទប់ទល់ជាមួយសេចក្តីអាក្រក់របស់ខ្លួនរួមមាន៖លោភៈ ទោសៈ និងមោហៈជាដើម
៧) ចេះទប់កំហឹង
៨) ការអត់ធ្មត់គ្រប់ឥរិយាបថ
៩) មិនមានអំពើហិង្សា
១០) ការគោរពច្បាប់រដ្ឋ ដោយប្រាសចាកអគតិទាំង៤

ប្រវត្តិជីវិតអ្នកស្រី ហែម សុវណ្ណ ជាប់អនុស្សាវរីយ៍ជាមួយលោកស៊ីន ស៊ីសាមុត

April 03, 2017 ប្រវត្តអ្នកចម្រៀង, យល់ដឹង, វិដេអូ, អ្នកស្រីហែម សុវណ្ណ No comments

ដោយ ៖ ខាត់ សាមឿន
ថ្ងៃសុក្រ ទី២៨ ខែសីហា ឆ្នាំ២០១៥ ម៉ោង ១៤:៤៤ (28-08-2015 14:44)
ប្រភពដើម
អ្នកស្រីហែម សុវណ្ណ មានដើមកំណើតនៅឃុំលាជ ស្រុកភ្នំក្រវាញ ខេត្តពោធិ៍ សាត់ និងមានបងប្អូនច្រើន តែសល់តែ៤នាក់ប៉ុណ្ណោះ ប្រុស១ ស្រី៣ រស់នៅនាពេលបច្ចុប្បន្ន (ឆ្នាំ២០១៥) ។

នាឆ្នាំ១៩៦៤ អ្នកស្រីហែម សុវណ្ណ រៀននៅសាលាបឋមសិក្សាឃុំលាជ ។

ស្ថិតក្នុងវ័យសិក្សាអាយុប្រមាណ១០ឆ្នាំ អ្នកស្រីហែម សុវណ្ណ ជួបបញ្ហាលំបាកមួយចំនួនដែលត្រូវរែកពន់ ព្រោះតែក្រុមគ្រួសារមានសមាជិកច្រើន ។ អំឡុងពេលនោះឪពុកអ្នកស្រីសុវណ្ណធ្វើជាទាហានឈានដល់វ័យចូលនិវត្តន៍ និងម្តាយក៏វ័យចំណាស់ដែរ ។

ក្នុងវ័យប្រមាណ១៦ទៅ១៧ឆ្នាំ ដោយសារផ្លូវទៅសាលាមានចម្ងាយពី៧ទៅ៨គីឡូម៉ែត្រ ឯណោះ ម្យ៉ាងនឹកឃើញម្តាយលំបាករកស៊ីចិញ្ចឹមផង អ្នកស្រីសុវណ្ណ បានសម្រេចចិត្តទៅសុំរស់នៅជាមួយលោកគ្រូម្នាក់ ។ ទៅរស់នៅជាមួយគេព្រោះអ្នកស្រីសុវណ្ណយល់ថា ខ្លួនកម្សត់ពេកទៅសាលារៀនគ្មានកង់ជិះតែងតែសុំគេទៅជាមួយ ហើយវេចបាយទៀត ។ ដោយសារសុំកង់គេជិះទៅរៀនរាល់ថ្ងៃ ខ្លាចចិត្តគេពេកក៏ឈប់សុំគេ ហើយទៅសុំនៅជាមួយលោកគ្រូរូបនោះដែលនៅជិតសាលា ។ រៀងរាល់ថ្ងៃអារម្មណ៍អ្នកស្រីសុវណ្ណនឹកម្តាយណាស់ តែខំកាត់ចិត្តហើយគិតតែជួយធ្វើការនៅផ្ទះលោកគ្រូដោយដងទឹកដាក់ពាង និងជួយធ្វើស្រែផង ពេលទំនេរពីការសិក្សានៅសាលា ។
Image result for អ្នកស្រីហែម សុវណ្ណ