Visitor

អង្គការពលរដ្ឋដើម្បីការអប់រំ ព្រះអាទិត្យថ្មីរះលើដែនដីចាស់៖ សង្ខេបរឿង៖ សម ជាយុវកសិករកំព្រាឪពុកម្តាយតាំងពីតូច មានប្រពន្ធម្នាក់ឈ្មោះនាងសយ កំព្រាឪពុកម្តាយដូចគ្នា។ ដោយភាពក្រីក្រគេទាំងពីរបានចាកចេញពីស្រុកកំណើតទៅប្រកបរបរធាក់ស៊ីក្លូនៅភ្នំពេញ។ សមធាក់ស៊ីក្លូបញ្រ្ចាសទិសត្រូវប៉ូលីសផាក។ រកប្រាក់បង់ពិន័យពុំបានអ្នកស្រីគឹមលៀងបានស្តីបន្ទោសរួចដកហូតស៊ីក្លូលែងឲ្យធាក់ ចំណែកតាសានវិញក៏បណ្តេញសម និងសយចេញពីខ្ទមដែរ ព្រោះអ្នកទាំងពីរគ្មានលុយបង់ឈ្នួលផ្ទះ។ មុននឹងចាកចេញពីខ្ទមដ៏កំសត់នេះ សៅដែលជាមេក្រុមចោរលួចឆក់បានបបួលសមឲ្យចូលដៃធ្វើជាសកម្មភាពជាមួយខ្លួន តែសមមិនព្រម ហើយប្រកាន់នូវភាពយុត្តិធម៌ជានិច្ច។ សម និងប្រពន្ធបានចូលទៅរស់នៅតាមសំយ៉ាបព្រះវិហារលោកសង្ឃយួននៅវត្តតួប្រស្រី។ ពេលនោះនាងសយត្រូវបានយាយចាស់ម្នាក់នាំឲ្យទៅនៅបម្រើផ្ទះថៅកែហុក ដោយមានការយល់ព្រមពីសមជាប្តីផងដែរ។ យប់មួយដោយមានភ្លៀងធ្លាក់យ៉ាងខ្លាំង វេលាម៉ោង២១ថៅកែហុកបានចូលទៅចាប់រំលោភនាងសយដោយកម្លាំងកាមារម្មណ៍យ៉ាងព្រៃផ្សៃបំផុត។ ដោយមានការឈឺចាប់ជាខ្លាំងព្រឹកឡើងនាងក៏ចាកចេញពីផ្ទះថៅកែហុក ដើម្បីទៅរកមិត្តកម្មករត្រីចក្រយានរបស់ប្តីនាង គឺនាយម៉ី និងនាងមុំ ក៏បានជួបប្រពន្ធហើយដឹងថាថៅកែហុកធ្វើអំពើមិនគប្បីមកលើប្រពន្ធ ទោះបីប្រពន្ធ និងមិត្តភក្តិឃាត់ឃាំងយ៉ាងណាក៏ដោយ ក៏សមនៅតែមានបំណងសម្លាប់ថៅកែហុកចោល។ យប់មួយសមបានចូលទៅសំឡុតថៅកែហុកតាមកំហឹងរបស់ខ្លួន។ តែដោយចាញ់កលថៅកែហុក សមក៏ត្រូវចាប់បញ្ចូលគុកធំ ក្រោយមកត្រូវតុលាការកាត់ទោសដាក់គុកចំនួន៣ខែ។ បន្ទាប់ពីសមត្រូវជាប់គុក នាងសយ និងនាងមុំបាននាំគ្នាទៅសួរសុខទុក្ខសមនៅឯគុកធំនៅថ្ងៃអាទិត្យដោយភាពខ្សឹកខ្សួល។ ពេលនៅក្នុងគុកសមត្រូវបក្សពួកជាប់គុកមុនៗមានឈ្មោះ ហួរ សួស និងពួកអនុរក្សនាំគ្នាវាយធ្វើបាបដោយគ្មានការពិចារណាឡើយ។ ក្រោយពីការណែនាំអប់រំពីភូឈួយគុក សមនិងនាងសយក៏ត្រូវម៉ីជូនទៅផ្ទះនៅជិតវត្តមហាមន្ត្រី ដោយត្រីចក្រយាន។ ថ្ងៃបន្ទាប់មកក៏បានទទួលស៊ីក្លូពីសេដ្ឋីនីចិត្តល្អមេម៉ាយម្នាក់ឈ្មោះយាយកាន។ ពេលសមទៅរកប្រាក់ត្រូវឡានបុកសន្លប់បាត់ស្មារតី ត្រូវដឹកទៅមន្ទីរពេទ្យព្រះកេតុមាលា។ រួចពីគ្រោះថ្នាក់ សមក៏បានចូលទៅធ្វើការនៅរោងឧស្សាហកម្មសាប៊ូ។ ដោយសារការព្យាយាម ពេលកាប៉ូរ៉ាល់លាឈប់ថៅកែក៏តែងតាំងសមជំនួសព្រមទាំងអនុញ្ញាតឲ្យសម និងប្រពន្ធមកស្នាក់នៅក្នុងបន្ទប់នៃរោងចក្រឧស្សាហកម្មនេះផង។ សេងអាន ជាកូនចៅរបស់ថៅកែសេងលីត្រូវទៅមើលការនៅហុងកុង ថៅកែសេងលីក៏បានតែងតាំងក្មួយលោកឈ្មោះសេងហុងឲ្យមើលការជំនួស។ ពេលនោះសមត្រូវបាន សេង ហុង បណ្តេញចេញលែងឲ្យធ្វើការ ព្រោះសមមិនធ្វើតាមបញ្ជារបស់សេងហុង។ សមទៅធ្វើការកន្លែងណាក៏ដូចជាកន្លែងណាត្រូវបានឋានៈជាកាប៉ូរ៉ាល់ ប៉ុន្តែមិនបានស្ថិតស្ថេរទេត្រូវម្ចាស់កន្លែងបណ្តេញចេញរហូត។ ដោយមានកម្មករស្គាល់ច្រើន សមក៏បានបង្កើតសមាគមកម្មករមួយតែក្រោយមកក៏ត្រូវអ្នកនយោបាយបោកប្រាស់ធ្វើជាឈ្នាន់ក្នុងការបោះឆ្នោតជ្រើសរើសតំណាងរាស្រ្ត។ សមាជិកតំណាងរាស្ត្រថ្មីបន្ទាប់ពីបានជាប់ឆ្នោត ហើយក៏ក្រឡាស់ធ្វើជាលែងទទួលស្គាល់អ្នកដែលធ្លាប់ជួយខ្លួន។ សមដឹងខ្លួនហើយពោលថា៖ តទៅមុខ លែងបណ្តោយឲ្យពួកអ្នកនយោបាយបោកប្រាស់ទៀតហើយ។ សមនឹកមមៃថា៖ ឱហ្ន! អ្នកនយោបាយវាក្លាយទៅជាអ្នកនយោបោកទេតើហ្ន៎!។ នាងសយមានគភ៌គ្មានលុយទិញថ្នាំសង្កូវផឹក។ ដល់គ្រប់ខែត្រូវឆ្លងទន្លេសមទៅពឹងគ្រូពេទ្យនរាឲ្យជួយ តែគេមិនបានសម្រេចនាងសយក៏ស្លាប់ក្នុងពេលសម្រាលទៅ។ បន្ទាប់ពីប្រពន្ធស្លាប់ទៅសមក៏ប្រកបមុខរបរធាក់ស៊ីក្លូទៀតតែមិនសមប្រកប។ សមបានទៅពឹងពាក់លោកយ៉េងជាតំណាងរាស្រ្តដែលសមធ្លាប់ជួយក្នុងពេលបោះឆ្នោត តែអកុសលលោកយ៉េងបែរជាធ្វើមិនស្គាល់សមទៅវិញ។ បន្ទាប់មកសមក៏ក្លាយជាមនុស្សអនាថា គ្មានទីជម្រកគ្មានអ្វីសម្គាល់ខ្លួនត្រូវប៉ូលីសចាប់ឃុំខ្លួនអស់ពីរបីថ្ងៃទើបដោះលែងវិញ។ ដោយខ្លួនគ្មានទីពឹង ហើយការស្រេកឃ្លានធ្វើទុក្ខខ្លាំងពេកសមក៏ដាច់ចិត្តទៅប្រកបរបរចោរឆក់។ បន្ទាប់ពីការបំភ្លឺរបស់ម៉ី សមក៏យល់ព្រមយករបស់របរដែលនៅសេសសល់ទៅប្រគល់ឲ្យម្ចាស់ដើមវិញ។ តែលោកឧកញ៉ាសំបូរសម្បត្តិមិនព្រមក៏ចាប់បញ្ជូនទៅឲ្យភ្នាក់ងារប៉ូលីសក៏ចាប់ឃុំឃាំងក្នុងគុក៦ខែ។ សមដើរឆ្លងផ្លូវត្រូវឡានរបស់លោករដ្ឋមន្ត្រីវ័យក្មេងបុក។ លោករដ្ឋមន្ត្រីក៏នាំសមទៅមន្ទីរពេទ្យ ហើយជួយឲ្យសោហ៊ុយចំនួន៥០០រៀល ព្រមទាំងបានផ្តាំឲ្យសមទៅរកគាត់កុំបីខាន។ តែសមបែរជាប្រកែកមិនយកលុយហើយឲ្យលោករដ្ឋមន្ត្រីជួយរកការងារធ្វើ។ លោករដ្ឋមន្ត្រីបានឲ្យសមទៅនៅថែផ្ទះលោកសមក៏បានសុខកាយសប្បាយចិត្តចាប់ពីពេលនោះមក។ ក្រោយពេលដែលស្រុកទេសទទួលបានឯករាជ្យ សន្តិភាពពេញបរិបូរក្រោមព្រះរាជបូជនីយកិច្ចរបស់អង្គសម្តេចឪ សមក៏បានវិលទៅប្រកបការងារជាកសិករនៅស្រុកកំណើតវិញដោយរីករាយ ព្រោះរដ្ឋាភិបាលសង្គមរាស្រ្តនិយមបានបំពេញបំណងរាស្រ្ត។ ក្រោមព្រះរាជបូជនិយកិច្ចដឹកនាំរបស់អង្គសម្តេចឪ ទីក្រុងភ្នំពេញបានរីកចម្រើនលើគ្រប់ផ្នែក គ្រប់វិស័យ។ ព្រះអង្គបានរៀបចំឲ្យមានសមាជជាតិ គឺនៅពេលនោះមានសមាជជាតិលើកទី៩។

ព្រះត្រៃបិដក ១១០ ក្បាល

ក្រោយចំណាយពេលវេលាជាង៤ខែ, គម្រោងការងារស្កានព្រះត្រៃបិដករបស់៥០០០ឆ្នាំត្រូវបានបញ្ចប់ជាស្ថាពរ ដោយមានការជួយជ្រោមជ្រែងយ៉ាងខ្លាំងក្លា អំពីឧបាសិកា កាំង ហ្គិចណៃ និងពុទ្ធបរិស័ទជាច្រើនទៀត ។

ទាញយកបាន(តែម្ដងមួយតែប៉ុណ្ណោះ)

ព្រះត្រៃបិដក (pdf file) ចុចទីនេះ

សម្លេងអានព្រះត្រៃបិដក (mp3 file) ចុចទីនេះ

From http://5000-years.org

ខាងក្រោមនេះ
អាចទាញយក ម្ដងច្រើន

របៀបចាត់ការប្រែគម្ពីរព្រះត្រៃបិដក បោះពុម្ភព្រះត្រៃបិដកនៅក្នុងប្រទេសកម្ពុជាយើង

រាជរដ្ឋាភិបាលរបស់យើងបានធ្វើក្រិត្យមួយ លេខ១០៦ ចុះថ្ងៃទី១៤ ខែធ្នូ ព.ស.២៤៧២ គ.ស.១៩២៩ តាំងអធិបតី ១ រូប និងក្រុមជំនុំច្រើនរូប តមកកែប្រែក្រិត្យថ្មី តាំងអធិបតី ១ រូប អធិបតីរង ២រូប ក្រុមជំនុំ ៤០ រូប រួមហៅថា ព្រះសង្គីតិកាចារ្យ ។ ព្រះសង្គីតិកាចារ្យទាំង៤០ រូបនេះ ចែក ជា៦ ក្រុមគឺ៖

១.លោកអ្នកសរសេរចម្លង១ក្រុម

២.លោកអ្នកផ្ទៀងបាលី១ក្រុម

៣.លោកអ្នកប្រែពីបាលីមកជាភាសាខ្មែរ១ក្រុម

៤.លោកអ្នកពិនិត្យសេចក្តីប្រែជាភាសាខ្មែរ១ក្រុម

៥.លោកអ្នកពិនិត្យសេចក្តីប្រែជាភាសាខ្មែរសម្រេច១ក្រុម

៦.លោកអ្នកពិនិត្យវិញ្ញាសាបោះពុម្ព១ក្រុមទៀត សម្រេចជាសៀវភៅឡើង។

ព្រះសង្គីតិកាចារ្យទាំង ៦ ក្រុមនេះ បានធ្វើការនៅពុទ្ធសាសនបណ្ឌិត្យ ដោយមានការិយាល័យពិសេសហៅថា ក្រុមជំនុំព្រះត្រៃបិដក បានធ្វើការប្រែគម្ពីរព្រះត្រៃបិដក ពីភាសាបាលីមកជាខេមរភាសា(ភាសាខ្មែរ)យើងចប់សព្វគ្រប់ទាំងអស់ រយៈពេល ២៩ ឆ្នាំ ចាប់ពី ព.ស. ២៤៧២ គ.ស.១៩២៧ មកដល់ ព.ស.២៥០០ គ.ស.១៩៥៧ ។ នេះជាលាភដ៍ប្រសើរបំផុតសម្រាប់ពលរដ្ឋខ្មែរយើងដែលពីដើមឡើយបើចង់ចេះចងដឹងធម៌ព្រះត្រៃបិដកត្រូវចំណាយពេលជិតពាក់កណ្តាលជីវិតដើម្បីរៀនភាសាបាលី តែឥឡូវគ្រាន់តែចេះអានអក្សរខ្មែរគឺអាចសិក្សាបាន ។ តែអ្វីដែលងាយទៀតនេះគឺថាពីមុនត្រូវចំណាយលុយទិញបិដកអស់ច្រើនត្រូវធ្វើទូកទុកដាក់ ឬទៅខ្ខីព្រះសង្ឃជួនកាលខ្ចីលមិនបាន ភាគដែលយើងចង់មើល តែក្នុងសម័យបច្ចេកវិទ្យាទំនើរនេះលោកអ្នកគ្រាន់តែមាន ស្មាតហ្វូន ឬipad ឬកុំព្យូទ័រមួយគឺអាចមើលបិដកទាំង១១០ក្បាល បានយ៉ាងងាយស្រួល បំផុតហើយអាចយកតាមខ្លួនបាន សូមទាញយក បិដកទាំងអស់ខាងក្រោមនេះ ។

ទាញយកព្រះវិន័យបិដក (Downloads)

ទាញយកព្រះសូត្របិដក (Downloads)

ទាញយកព្រះអភិធម្មបិដក (Downloads)

Fromhttp://khmerpeoplenews.blogspot.com

វត្តឫស្សីជ្រោយ

Visitor